Farice var stofnað árið 2004 til að veita þjónustu á sviði fjarskipta- og gagnaflutninga. Fyrirtækið á og rekur þrjá sæstrengi og sinnir þar með nánast allri gagnaumferð Íslands við útlönd. Viðskiptavinir Farice eru innlend og erlend fjarskiptafélög og viðskiptavinir innlendra gagnavera Starfið felur í sér aðkomu að rekstri á einum mikilvægustu innviðum landsins.

Við leitum nú að skipulögðum og lausnamiðuðum verkefnastjóra sem hefur reynslu af tæknilegum verkefnum og vill starfa í öflugu teymi sem sinnir fjölbreyttum og áhrifamiklum innviðaverkefnum.

Helstu verkefni

Stuðningur við sölu- og afhendingarferla á þjónustum fyrir viðskiptavini.
Þátttaka í umbreytinga- og innleiðingaverkefnum tengdum fjarskipta- og upplýsingatæknikerfum
Stýring á verkefnum sem tengjast lagningu ljósleiðarasæstrengja. Svo sem vinna með leyfismálum og aðkoma að stofnnetshönnun
Samskipti við þjónustuaðila og birgja
Þátttaka í útboðum, verðkönnunum og annarri vinnu í tæknilegum verkefnum

Hæfniskröfur

Háskólamenntun sem nýtist í starfi er kostur
Reynsla af verkefnastjórnun tæknilegra verkefna
Framúrskarandi samskiptahæfni
Góð ritfærni á íslensku og ensku
Sérfræðireynsla af tæknilegum verkefnum í upplýsingatækni eða fjarskiptatækni er mikill kostur
Frumkvæði, skipulagshæfni og færni í að vinna markvisst að mörgum verkefnum samtímis

Við bjóðum

Tækifæri til að starfa við lykilinnviði Íslands og áhrifamikil verkefni á sviði fjarskipta
Faglegt vinnuumhverfi með framúrskarandi sérfræðingum á sínu sviði
Áskoranir, fjölbreytt verkefni og möguleika til að þróa hæfni og hafa áhrif innan fyrirtækisins

Nánari upplýsingar

Sverrir Briem – sverrir@hagvangur.is

Tæknilegur verkefnastjóri – Farice