Hefur þú áhuga á fjölbreyttu starfi þar sem þú færð tækifæri til að leiða öflugt teymi og vinna þvert á starfseiningar?

Norðurmiðstöð auglýsir eftir hjúkrunarfræðingi í stöðu teymisstjóra hjúkrunar við samþætta þjónustu heimahjúkrunar og heimastuðnings. Um er að ræða fullt starf, tímabundið til eins árs.

Reykjavíkurborg er leiðandi í samþættri heimaþjónustu og veitir þjónustu í fremstu röð. Við í Norðurmiðstöð leitum að hjúkrunarfræðingi til að ganga til liðs við okkar frábæra starfsmannahóp.

Lögð er rík áhersla á teymisvinnu, samstarf og styðjandi starfsumhverfi þar sem fagmennska og gæði þjónustu eru í forgrunni. Teymisstjóri hefur yfirumsjón með starfsemi teymis og þeirri hjúkrun sem þar er veitt.

Viltu vita meira?- skelltu þá inn umsókn!

Helstu verkefni og ábyrgð

Fagleg ábyrgð á hjúkrun til notenda
Framkvæmd og eftirfylgd hjúkrunaráætlana
Umsjón með starfsemi teymis og þeirri hjúkrunarþjónustu sem teymið veitir
Þátttakandi í þróun og innleiðingu velferðartækni
Er hluti af stjórnendateymi starfsstaðar
Tengiliður í þverfaglegu samstarfi
Samskipti við heilbrigðisstofnanir og aðra fagaðila
Vitjar skjólstæðinga og sinnir sérhæfðri hjúkrun
Starfar eftir gæðastefnu velferðarsviðs og hugmyndafræði heimahjúkrunar

Menntun og hæfniskröfur

Íslenskt hjúkrunarleyfi
Íslenskukunnátta C1 í samræmi við evrópska tungumálarammann
Sjálfstæði og sveigjanleiki í vinnubrögðum
Góð samskipta- og skipulagshæfni
Faglegur metnaður og frumkvæði
Reynsla af teymisvinnu og af útdeilingu verkefna
Hreint sakavottorð í samræmi við lög og reglur Reykjavíkurborgar
Ökuréttindi
Reynsla af öldrunarhjúkrun og/eða hjúkrun langveikra æskileg
Þekking á sjúkraskrárkerfinu SÖGU og RAI mælitæki æskileg
Reynsla af stjórnun æskileg

Fríðindi í starfi

36 stunda vinnuvika
Sund-og menningarkort
Samgöngustyrkur
Heilsustyrkur

Laun eru samkvæmt kjarasamningi Reykjavíkurborgar og Félagi íslenskra hjúkrunarfræðinga.

Nánari upplýsingar um starfið veitir Hrefna Guðmundsdóttir, í gegnum netfangið hrefna.Gudmundsdottir@reykjavik.iseða síma 411-1590.

Teymisstjóri í heimahjúkrun