Síminn leitar að drífandi einstaklingum í framtíðarstarf sem felur í sér þjónustu og ráðgjöf til viðskiptavina okkar. Þjónustufulltrúar Símans eru úrræðagóðir, veita framúrskarandi þjónustu og leitast við að koma til móts við þarfir og væntingar viðskiptavina. Við leitum að aðilum með framúrskarandi þjónustuhugsun og frábæra samskiptahæfni til að þjónusta nýja og núverandi viðskiptavini Símans, og leggja sig fram við að uppfylla þarfir og væntingar þeirra.

Um er að ræða fullt starf í vaktavinnu þar sem unnið er á 8 klst. vöktum, þar sem áhersla er lögð á jafnvægi og vaktaplön eru mótuð í samráði við starfsfólk.

Menntunar- og hæfniskröfur:

Einstök samskiptahæfni og þjónustulund
Tækniáhugi
Sýna sjálfstæði í vinnubrögðum
Hafa getu til að stuðla að góðum liðsanda
Áhugi til að læra nýja hluti
Stundvísi
Stúdentspróf eða sambærileg menntun er æskileg
Umsækjendur þurfa að hafa náð 18 ára aldri

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Umsóknarfrestur er til og með 8. apríl 2026.

Nánari upplýsingar veitir mannaudur@siminn.is

Við metum umsóknir jafnóðum og þær berast og boðum í viðtöl eftir því sem við á. Ráðið verður í starfið þegar við finnum rétta einstaklinginn í hlutverkið.

Í anda jafnréttisstefnu Símans hvetjum við öll kyn til að sækja um.

Þjónustufulltrúar hjá Símanum