Strandabyggð auglýsir laust til umsóknar starf tómstundafulltrúa Strandabyggðar og framkvæmdastjóra Héraðssambands Strandamanna (HSS) í 100% starfshlutfalli.

Um er að ræða fjölbreytt og ábyrgðarmikið starf sem felur í sér faglega umsjón með tómstunda- og æskulýðsmálum sveitarfélagsins og daglega umsýslu og framkvæmd verkefna HSS í nánu samstarfi við stjórn sambandsins, íþróttafélög og aðra samstarfsaðila. Starfið veitir tækifæri til að hafa jákvæð áhrif á íþrótta- og tómstundastarf fyrir alla aldurshópa í sveitarfélaginu og á svæðinu.

Tómstundafulltrúi er næsti yfirmaður starfsfólks á sviði tómstundastarfs og ber ábyrgð á að starfsemin sé í samræmi við fjárheimildir sveitarfélagsins. Framkvæmdastjóri HSS sér um daglegan rekstur sambandsins og framkvæmd viðburða þess. Æðsti yfirmaður er sveitarstjóri Strandabyggðar.

Helstu verkefni

Umsjón með tómstunda-, forvarnar- og æskulýðsmálum sveitarfélagsins
Skipulag og þróun frístundastarfs, m.a. félagsmiðstöðvar og sumarnámskeiða
Stuðningur við íþrótta- og félagasamtök og samstarf við skóla og íþróttamannvirki
Dagleg umsýsla og samskipti vegna starfsemi HSS
Skipulag og framkvæmd móta og viðburða á vegum HSS
Samskipti við aðildarfélög, UMFÍ, ÍSÍ og sérsambönd
Umsjón með kynningu, upplýsingamiðlun og fundarstarfi
Önnur verkefni á þessu sviði sem viðkomandi er falið af sveitarstjórn eða sveitarstjóra eða stjórn HSS

Hæfniskröfur

Háskólamenntun eða starfsreynsla sem nýtist í starfi t.d á sviði tómstunda- og félagsmálafræði eða kennslu
Reynsla af skipulagningu og verkefnastjórnun er kostur
Frumkvæði, sjálfstæð vinnubrögð og skipulagshæfni
Leiðtogahæfileikar, þjónustulund og góð samskipta- og samstarfshæfni
Góð íslenskukunnátta og almenn tölvufærni
Hreint sakavottorð

Launakjör eru samkvæmt kjarasamningum Sambands íslenskra sveitarfélaga og viðkomandi stéttarfélags.

Umsókn skal fylgja ferilskrá og kynningarbréf þar sem gerð er grein fyrir menntun, starfsreynslu og ástæðu umsóknar.

Nánari upplýsingar

Hallveig Hafstað Haraldsdóttir – hallveig@hagvangur.is

Salbjörg Engilbertsdóttir – salbjorg@strandabyggd.is

Strandabyggð er jafnréttissinnaður vinnustaður og hvetur öll kyn til að sækja um starfið.

Tómstundafulltrúi og framkvæmdastjóri HSS – Strandabyggð