Víðistaðaskóli óskar eftir að ráða kennara í tónmennt

Við í Víðistaðaskóla leitum eftir skapandi, hugmyndaríkum og drífandi kennara í tónmennt, sem bætist í góðan hóp annarra list og verkgreinakennara sem starfa við skólann.

Í Víðistaðaskóla er rík hefð fyrir góðri og öflugri tónmenntakennslu. Tónmenntakennarinn sér um samsöng nemenda á yngsta stigi, kemur að kennslu í list og verkgreinarúllum og valgreinum á yngsta og miðstigi. Á hverju ári setja nemendur í 10. bekk söngleik á svið og þar gefst tónmenntakennara tækifæri á að koma að spennandi og skapandi verkefni. Skólinn er vel tækjum búinn og hefur yfir góðri aðstöðu að ráða.

Í skólanum eru rúmlega 500 nemendur og um 100 starfsmenn. Við leggjum áherslu á fjölbreytileikann, líðan nemenda, teymisvinnu/kennslu og fjölbreytta kennsluhætti. Gildi skólans eru ábyrgð, virðing og vinátta. Í skólanum er unnið eftir SMT skólafærni þar sem lögð er áhersla á að styrkja og efla jákvæð samskipti milli nemenda sem annarra í skólasamfélaginu. Við erum heilsueflandi grunnskóli sem hugsar um umhverfi sitt í anda Græn fánans.

Hjá okkur ríkir góður starfsandi og samheldni meðal þeirra sem í skólanum starfa.

Helstu verkefni og ábyrgð:

Annast kennslu í tónmennt á öllum stigum
Vinnur að þróun skólastarfs í samstarfi við stjórnendur og samstarfsfólk
Stuðlar að velferð nemenda í samstarfi við foreldra og fagaðila
Vinnur samkvæmt stefnu skólans
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Leyfisbréf til kennslu (leyfisbréf fylgi umsókn)
Haldgóð þekking á kennslufræði námsgreina
Áhugi á að starfa með börnum og ungmennum.
Lipurð í samskiptum, sveigjanleiki og samstarfshæfni.
Frumkvæði og sjálfstæði í vinnubrögðum.
Jákvæðni og áhugi á að starfa í skapandi og metnaðarfullu umhverfi.
Stundvísi og samviskusemi
Mjög góð íslenskukunnátta, að lágmarki C1 samkvæmt Sjálsmatsrammi

Starfshlutfall er 80% og er ráðið í starfið frá og með 1. ágúst 2026.

Nánari upplýsingar um starfið veita Guðbjörg Norðfjörð Elíasdóttir skólastjóri, gudbjorgn@hafnarfjordur.is og Valgerður Júlíusdóttir aðstoðarskólastjóri, valaj@vidistadaskoli.is.

Nánari upplýsingar um skólann má finna á heimasíðunni http://www.vidistadaskoli.is

Umsóknarfrestur hefur verið framlengdur til 19. maí 2026.

Greinargóð ferilskrá og leyfisbréf fylgi umsókn. Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Tónmenntakennari - Víðistaðaskóli