Hraunvallaskóli óskar eftir að ráða umsjónarkennara í Fjölgreinadeild skólans fyrir skólaárið 2026-2027.

Í Fjölgreinadeild eru nemendur sem á grundvelli fjölþætts vanda geta ekki nýtt alfarið þau námstilboð sem bjóðast í þeirra heimaskóla. Starfsstöð umsjónarkennara er við Fléttuvelli á skólalóð Hraunvallskóla og er skipuð fjórum til fimm starfsmönnum.

Umsækjandi þarf að hafa jákvæða afstöðu til nemenda með fjölþættan vanda og tiltrú á getu hvers eins til breytinga og þróunar þar sem leitast er við að byggja á styrk hvers og eins. Einnig þarf viðkomandi hafa góða leiðtogahæfileika, víðtæka þekkingu á skólastarfi og metnaðarfulla skólasýn.

Helstu verkefni og ábyrgð:

Fjölbreytt nálgun í kennslu og umsjón með nemendum í samvinnu við kennara, stoðþjónustu og foreldra
Vinna að þróun skólastarfs í samstarfi við skólaþjónustu
Stuðla að velferð nemenda í samstarfi við foreldra og annað fagfólk
Taka þátt í stefnumótunarvinnu
Önnur verkefni samkvæmt starfslýsingu

Menntunar- og hæfniskröfur:

Leyfisbréf til kennslu (leyfisbréf fylgi umsókn)
Reynsla af kennslu í grunnskóla æskileg
Áhugi á að starfa með börnum og ungmennum
Lipurð í samskiptum, sveigjanleiki og samstarfshæfni
Frumkvæði og sjálfstæði í vinnubrögðum
Jákvæðni og áhugi á að starfa í skapandi og metnaðarfullu umhverfi
Stundvísi og samviskusemi
Góð íslenskukunnátta. Miðað er við hæfniviðmið C1 samkvæmt viðmiðum Evrópska tungumálarammans.

Nánari upplýsingar um starfið veitir Lars Jóhann Imsland skólastjóri, lars@hraunvallaskoli.is, og Aðalbjörg Sigurðardóttir aðstoðarskólastjóri, adalbjorgs@hraunvallaskoli.is, í síma 590 2800.

Umsóknarfrestur er til og með 2. apríl 2026

Umsókn fylgi greinargóð ferilskrá og kynningarbréf.

Skilyrði fyrir ráðningu er að viðkomandi hafi hreint sakavottorð.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Umsjónarkennari í Fjölgreinadeild - Hraunvallaskóli