Sameyki – stéttarfélag í almannaþjónustu – óskar eftir að ráða metnaðarfullan og skapandi upplýsingafulltrúa til starfa. Við leitum að einstaklingi sem hefur áhuga á samfélagsmálum og býr yfir sterkri samskipta- og miðlunarhæfni. Um er að ræða fjölbreytt og áhrifamikið starf fyrir einstakling sem vill taka virkan þátt í að móta ímynd félagsins, efla sýnileika þess og tryggja gott upplýsingaflæði til félagsfólks og almennings. Upplýsingafulltrúi vinnur náið með formanni, framkvæmdastjóra og teymi félags-, kynningar- og fræðslumála.

Helstu verkefni og ábyrgð

Stefnumótun í upplýsingagjöf í samvinnu við formann og framkvæmdastjóra
Umsjón með fréttum á vef og samfélagsmiðlum Sameykis (t.d. Facebook og Instagram)
Samskipti við fjölmiðla og þátttaka í opinberri umræðu
Greina- og fréttaskrif fyrir tímarit Sameykis og fjölmiðla
Ritstjórn og útgáfa tímarits Sameykis, veffréttabréfs og annarra rita, s.s. ársskýrslu
Verkstjórn við gerð ársskýrslu
Vöktun samfélagsmiðla og greining á umræðu
Ráðgjöf og þátttaka í grafískri framsetningu efnis fyrir vef- og prentmiðla
Umsjón með stafrænu mynda- og myndbandasafni Sameykis
Þátttaka í teymisvinnu vegna sérstakra verkefna, s.s. Stofnun ársins og aðalfunda
Önnur verkefni eftir því sem þörf krefur

Hæfniskröfur

Háskólanám eða sambærileg menntun, þekking og starfsreynsla sem nýtist í starfi
Mjög góð tölvukunnátta
Mjög góð þekking á upplýsingamálum, fréttaritun, vefmiðlum og útgáfustarfsemi
Reynsla af starfi fyrir fjölmiðla er mikill kostur
Afburða hæfni í rituðu og töluðu máli á íslensku og mjög góð kunnátta í ensku
Frumkvæði, sjálfstæði og framúrskarandi hæfni í mannlegum samskiptum

Við bjóðum

Fjölbreytt starf hjá öflugu stéttarfélagi
Tækifæri til að hafa raunveruleg áhrif á ímynd og umræðu um málefni almannaþjónustu
Gott samstarf og teymisvinnu
Starf sem krefst frumkvæðis, sköpunar og fagmennsku

Nánari upplýsingar:

Þórdís Sif Arnarsdóttir, ráðgjafi hjá Hagvangi – thordis@hagvangur.is

Gunnsteinn R. Ómarsson, framkvæmdastjóri Sameykis – gunnsteinn@sameyki.is

Kári Sigurðsson, formaður Sameykis – kari@sameyki.is

Upplýsingafulltrúi – Sameyki