Hraunvallaskóli óskar eftir að ráða UT kennsluráðgjafa, starfið er 50% en möguleiki er að auka við starfshlutfall með kennslu við skólann.

Ráðið er í stöðuna frá 1. ágúst 2026.

Hraunvallaskóli hefur þá sérstöðu að innan veggja hans er rekinn bæði leik- og grunnskóli. Skólinn starfar eftir hugmyndafræði opna skólans og er byggingin hönnuð með það í huga. Í kennsluskipulagi er lögð áhersla á skipulag sem byggir á hópavinnu, þemanámi, einstaklingsvinnu, þrautalausnum, gagnrýnni hugsun og færni nemenda til að afla sér þekkingar og nýta sér nýjustu upplýsinga- og samskiptatækni í því skyni. Kennarar vinna saman í teymum í kennslustundum og við skipulagningu og undirbúning kennslunnar. Nemendur í sama árgangi eru í sameiginlegum umsjónarhópum með sameiginlega umsjónarkennara á sínum heimasvæðum.

Dyggðir Hraunvallaskóla eru vinátta, samvinna og ábyrgð.

Helstu verkefni og ábyrgð:

Verkumsjón með spjaldtölvum skólans í samráði við tölvudeild bæjarins.
Veitir starfsfólki skóla kennsluráðgjöf á starfssviði sínu, upplýsingatækni með áherslu á spjaldtölvunotkun (iPad).
Aðstoðar við gerð kennsluáætlana og tekur þátt í skólanámskrárgerð er snertir upplýsingatækni.
Fylgir eftir stefnumótun skólans á sviði upplýsingatækni í skólastarfi og í samstarfi við þróunar- og tölvudeild Hafnarfjarðarbæjar og skrifstofu mennta- og lýðheilsusviðs.
Sinnir umsýslu spjaldtölva skólans svo þær nýtist í kennslufræðilegum tilgangi og aðstoðar nemendur við notkun spjaldtölva.
Er þróunar- og tölvudeild til aðstoðar við lausn tæknilegra vandamála sem geta komið upp innan skóla. Er tengiliður við þróunar- og tölvudeild um lausn tæknilegra vandamála sem geta komið upp innan skólans.
Er skólastjórnendum til ráðgjafar varðandi upplýsinga- og samskiptatækni í grunnskólastarfi.
Önnur verkefni sem yfirmaður felur starfsmanni og tengjast starfssviði hans.

Menntunar- og hæfniskröfur:

Leyfisbréf kennara
Framhaldsmenntun á sviði verkefnastjórnunar og/eða upplýsingatæknimenntunar æskileg
Sem víðtækust kennslureynsla í grunnskóla
Reynsla af verkefnastjórnun æskileg
Reynsla af kennsluráðgjöf æskileg
Góð íslenskukunnátta, C1 tungumálastaðall ETM Sjálfsmatsrammi (coe.int)

Skilyrði er að viðkomandi hafi hreint sakavottorð.

Nánari upplýsingar um starfið veitir Lars Jóhann Imsland skólastjóri, lars@hraunvallaskoli.is og Aðalbjörg Sigurðardóttir, adalbjorgs@hraunvallaskoli.is, í síma 590 2800.

Umsóknarfrestur er til og með 9. júní 2026

Greinargóð ferilskrá og leyfisbréf fylgi umsókn.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

UT kennsluráðgjafi - Hraunvallaskóli