Umhverfis- og skipulagssvið Reykjavíkur auglýsir eftir öflugum verkefnastjórum til starfa á skrifstofu skipulags- og byggingarmála. Um er að ræða tímabundna ráðningu til þriggja ára á deild skipulagsmála, í störf sem eru tilkomin vegna stórra verkefna við þróun byggðar. Við leitum að einstaklingum sem hafa áhuga á starfa að margþættri skipulagsvinnu í skapandi og faglegu starfsumhverfi þar sem teymisvinna, nýsköpun og framsækni er höfð að leiðarljósi.

Á skrifstofu skipulags- og byggingarmála starfar kraftmikið og hugmyndaríkt teymi með brennandi áhuga á margþættri skipulagsvinnu og borgarþróun. Verkefnin eru fjölbreytt og tengjast þróun byggðar í ólíkum mælikvörðum á stórum sem smáum reitum. Verkefnin fjalla um skipulagsmál og samhengi þeirra við umhverfið, sögu, lýðheilsu, loftslagsmál, samgöngur og fleira.

Starfssvið

Verkefnisstjórn og teymisvinna í fjölbreyttum verkefnum sem varða skipulag byggðar, opinna svæða í eigu ríkisins og borgarumhverfis.
Greiningarvinna og undirbúningur skipulagsgerðar á ríkislóðum.
Samskipti, upplýsingagjöf, ráðgjöf og samráð við íbúa, skipulagsráðgjafa og aðra hagaðila.
Ýmis tilfallandi verkefni tengd skipulags- og umhverfismálum borgarinnar sem falla undir verksvið skrifstofunnar.

Menntunar- og hæfnskröfur

Háskólamenntun í arkitektúr, landslagsarkitektúr eða skipulagsfræðum í samræmi við 5.mgr. 7.gr. skipulagslaga nr.123/2010.
Haldbær reynsla af skipulagsmálum, málsmeðferð skipulagsáætlana og hæfni til að miðla þekkingu.
Rík þjónustulund, hæfni í mannlegum samskiptum og teymisvinnu.
Skipulögð, sjálfstæð og fagleg vinnubrögð, framtakssemi og frumkvæði.
Reynsla af verkefnastjórnun er kostur.
Reynsla í opinberri stjórnsýslu og þekking á lagaumhverfi er kostur.
Færni í notkun á algengum hugbúnaði og þekking á hönnunar-, umbrots-, og teikniforritum.
Hæfni til að setja fram mál í ræðu og riti.
Íslenskukunnátta C1-C2 skv. samevrópskum matsramma fyrir tungumálakunnáttu.

Nánar um starfið

Um er að ræða tímabundið fullt starf til þriggja ára og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar veitir Hjördís Sóley Sigurðardóttir deildarstjóri skipulagsmála; hjordis.soley.sigurdardottir@reykjavik.is
Umsóknarfrestur er til og með 19. júní 2026.

Verkefnastjóri skipulagsmála