Skólastjóri óskast í nýjan samrekinn leik- og grunnskóla í Grindavík

Við leitum að metnaðarfullum, framsýnum og öflugum leiðtoga til að gegna starfi skólastjóra við nýjan samrekinn leik- og grunnskóla í Grindavík. Um er að ræða einstakt og mikilvægt tækifæri til að leiða uppbyggingu skólastarfs í samfélagi sem hefur staðið frammi fyrir miklum áskorunum vegna náttúruhamfara.

Samrekinn leik- og grunnskóli byggir á traustum faglegum grunni og þeirri öflugu skólamenningu sem hefur einkennt leik- og grunnskólastarf í Grindavík um árabil. Markmiðið er að skapa styðjandi og framsækið námsumhverfi þar sem öryggi, farsæld, nám og þroski barna eru í forgrunni og samfella í námi og þjónustu við börn og fjölskyldur er tryggð.

Starfið býður uppá:

• Tækifæri til að móta og þróa nýjan samrekinn leik- og grunnskóla

• Tækifæri til að gegna einstöku og samfélagslega mikilvægu leiðtogahlutverki

• Tækifæri til að hafa jákvæð áhrif á framtíð barna og fjölskyldna í Grindavík

Er þetta starf fyrir þig? Endilega kynntu þér starfið, hæfni og ábyrgð á umsóknarvef Grindavíkurbæjar.

Helstu verkefni og ábyrgð:

Veita skólanum faglega forystu og leiða þróun nýs samrekins skóla á traustum grunni fyrra skólastarfs

Stjórnun og ábyrgð á daglegri starfsemi og rekstri skólans

Stuðla að góðu samstarfi starfsfólks, nemenda, foreldra og nærsamfélags

Hafa forystu um og styðja samstarf í samræmi við farsældarlög

Stýra og þróa skólastarf í samræmi við lög, reglugerðir og aðalnámskrár

Efla jákvætt, öruggt og uppbyggilegt skólasamfélag

Hæfniskröfur:

Leyfisbréf til kennslu á leik- eða grunnskólastigi

Framhaldsmenntun í stjórnun eða uppeldis- og kennslufræðum er æskileg

Farsæl reynsla af rekstri, stjórnun og skólaþróun er æskileg

Farsæl reynsla af kennslu í leik- og/eða grunnskóla

Þekking á þeim lögum, reglugerðum og öðrum opinberum fyrirmælum sem varða skólastarf

Leiðtogahæfni, skipulagshæfni, metnaður og styrkur til ákvarðana

Framúrskarandi hæfni og lipurð í mannlegum samskiptum

Hæfni til að leiða faglegt starf í samfélagi í enduruppbyggingu

Frumkvæði, metnaður og sjálfstæð vinnubrögð

Framúrskarandi hæfni til að tjá sig í ræðu og riti