Ertu skapandi og drífandi einstaklingur sem hefur næmt auga fyrir smáatriðum og kannt listina við að segja áhrifaríkar sögur?

Við leitum að öflugum liðsfélaga í markaðsteymi Advania sem hefur reynslu af ljósmyndun og myndbandsgerð. Hjá okkur færðu tækifæri til að vinna með fjölbreytt efni fyrir stafræna miðla, viðburði og markaðsherferðir. Þú munt vinna náið með markaðsteymi og samskiptastjóra félagsins að framleiðslu efnis fyrir viðskiptavinasögur, ráðstefnur, viðburði, auglýsingar og annað kynningarefni sem styrkir vörumerki og sýnileika Advania.

Ef þú hefur gott auga fyrir myndmáli og frásögn, þrífst vel í kviku starfsumhverfi og hefur metnað fyrir vönduðum vinnubrögðum, viljum við endilega heyra frá þér!

Helstu verkefni og ábyrgð

Þátttaka í hugmyndavinnu, myndataka og vinna efni fyrir vef, samfélagsmiðla, viðburði og annað markaðsefni Advania
Skipuleggja, taka upp og klippa myndbönd fyrir herferðir, viðburði og stafræna miðla
Sjá um eftirvinnslu og aðlögun efnis fyrir mismunandi miðla og birtingarform
Framleiða efni fyrir viðskiptavinasögur, ráðstefnur, kynningar og aðrar markaðsaðgerðir
Tæknilegt utanumhald á stúdíói Advania og framleiðslubúnaði
Stuðla að þróun og nýjungum í efnisframleiðslu

Hæfniskröfur

Reynsla af ljósmyndun, kvikmyndatöku og myndbandsvinnslu
Góð þekking á upptökubúnaði og færni í helstu myndvinnslu- og klippiforritum
Reynsla af eftirvinnslu og klippingu myndbandsefnis
Sjálfstæð og skipulögð vinnubrögð
Hugmyndaauðgi og auga fyrir smáatriðum
Góð samskiptafærni og hæfni til að vinna í teymi
Þekking á hljóðvinnslu og stúdíóvinnu eða áhugi fyrir því að læra

Umsækjendur eru hvattir til að skila inn sýnishornum eða verkefnamöppu með umsókn.

Æskilegt er að viðkomandi geti hafið störf sem fyrst.

Um markaðsteymi Advania

Í markaðsteymi Advania býr fjölbreytt reynsla, ólíkir styrkleikar og hæfileikar til að klára málin alla leið. Við rekum fjölnota stúdíó, skipuleggjum markaðsherferðir, framleiðum auglýsingar og markaðsefni, höldum stóra og smáa viðburði, sinnum greiningu og veitum ráðgjöf, svo eitthvað sé nefnt. Teymið samanstendur af jákvæðum, öflugum og skapandi einstaklingum sem leggja mikinn metnað í skila öllum verkum 100%.

Hvers vegna Advania?

Hjá Advania færðu að taka þátt í lifandi og metnaðarfullum verkefnum, vinna með frábæru fólki og hafa raunveruleg áhrif á hvernig fyrirtækið birtist bæði inn á við og út á við. Við leggjum áherslu á sveigjanleika, öfluga teymismenningu og faglegan vöxt.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 14. júní 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Auður Karitas Þórhallsdóttir, markaðsstjóri, audur.karitas.thorhallsdottir@advania.is / 4409000

Fjölmiðlar