Leikskólinn Tröllaborgir óskar eftir að ráða matráð til starfa. Um er að ræða 100% ótímabundið starf og er æskilegt að viðkomandi geti hafið störf sem fyrst.

Lífsleikni í leikskóla eru áherslur Tröllaborga og byggir sú hugmyndafræði á kenningum ýmissa fræðimanna sem snúa að mannrækt og siðferðilegu gildismati í samfélagi manna og þeirri trú að efla og styrkja hið góða í hverjum einstaklingi bæði börnum og fullorðnum. Lögð er áhersla á að túlka lífsleiknina sem hugsjón sem þurfi að flæða yfir allt starf frekar en sem námsgrein innan skólans. Einnig er lögð áhersla á læsi og jóga.

Einkunnarorð skólans eru „Hugur- hjarta - hönd“.

Skólinn hefur tvær starfsstöðvar; að Tröllagili 29 og í Árholti Háhlíð 1.

Viltu vita meira? Kíktu í rafræna heimsókn https://trollaborgir.is

Helstu verkefni eru:

Hefur umsjón með daglegum rekstri eldhúss.
Er verkstjóri aðstoðarmatráða í eldhúsi leikskóla.
Annast matseld, bakstur, sérfæði nemenda og sér um framfylgd matseðla.
Sér um innkaup, birgðavörslu og frágang á vörum fyrir eldhús skólans, s.s. matvöru, borðbúnað og hreinlætisvörum fyrir skólann.
Fylgist með tækjum og búnaði og lætur vita ef þörf er að endurnýja eða lagfæra.
Annast matreiðslu og hefur umsjón með framreiðslu fæðis fyrir nemendur og starfsfólk.
Annast frágang í mötuneyti og dagleg þrif í eldhúsi samkvæmt þrifaáætlun, gólfþrif eru undanskilinn.
Sér um morgunmat, hádegisverð og síðdegishressingu fyrir nemendur.
Sér um þvotta, frágang og heldur þvottahúsi og þvottavélum snyrtilegum.
Sinnir öðrum þeim verkefnum sem yfirmaður felur honum og falla innan starfssviðs hans.

Menntunar- og/eða hæfniskröfur:

Matartækninám er æskilegt.
Þekking á gerð og framreiðslu matar.
Reynsla af starfi í mötuneyti.
Þekking á ráðleggingum Lýðheilsustöðvar varðandi skólamáltíðir er æskileg.
Almenn tölvuþekking er nauðsynleg.
Þarf að vera skipulagður, geta sýnt frumkvæði og sjálfstæði í vinnubrögðum.
Stundvísi, reglusemi og færni í samskiptum.
Kunnátta í skyndihjálp.
Snyrtimennska.
Góð íslenskukunnátta í ræðu og riti er skilyrði.
Góð enskukunnátta er æskileg.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda (ferilskrá) og þau verkefni sem hann hefur unnið að og varpað geta ljósi á hæfni hans í starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Anna Egilsdóttir skólastjóri í síma 469-4700 eða 8224892, netfang: annaegils@akmennt.is

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar, Geislagötu 9.

Umsóknarfrestur er til og með 9. ágúst 2026.

Matvælaiðnaður

Matvælaiðnaður