Skrifstofustörf

Orkusalan leitar að öflugum sérfræðingi í orkumiðlun sem hefur gaman af tölum og greiningum, sýnir frumkvæði og kann vel við ábyrgð.

Orkusalan leitar að öflugum stuðbolta til að ganga til liðs við hleðsluteymið okkar.

Hefur þú þekkingu og reynslu til að takast á við fjölbreytt verkefni á sviði mannauðsmála ? Hefur þú áhuga á að starfa í líflegu starfsumhverfi og í samstarfi við öfluga stjórnendur og starfsfólk á vinnustöðum Akureyrarbæjar ?

Lögreglustjórinn á höfuðborgarsvæðinu (LRH) leitar eftir drífandi og metnaðarfullum aðilum í tvær stöður þjónustufulltrúa hjá embættinu. Önnur staðan tilheyrir sektarþjónustu og hin ritarahópi ákærusviðs. Um er að ræða spennandi, krefjandi og fjölbreytt störf í þjónustudeild sem heyrir undir stjórnsýslu- og þjónustusvið embættisins. Þjónustudeild sinnir stoð- og þjónustuhlutverkum fyrir bæði almenning og aðra hluta lögreglu. Deildin starfrækir m.a. ritaraþjónustu, skýrsluþjónustu, sektarþjónustu, þjónustuborð og munavörslu. Deildin hefur nýlega flutt í nýtt sameinað rými sem hefur skapað líflegt vinnuumhverfi þar sem teymisandi er í forgrunni. Jafnframt er verið að innleiða nýtt þjónustukerfi og kortleggja þjónustuferla með einföldun og skilvirkni að leiðarljósi. Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á jafnrétti, starfsánægju, heilbrigðan starfsanda, traust og gagnsæi í samskiptum og að starfsfólk búi yfir þekkingu og hæfni til að takast á við fjölbreytileg verkefni. Starfsfólk embættisins er um 450 á fjórum megin starfsstöðvum. Gildi embættis lögreglustjórans á höfuðborgarsvæðinu eru TRAUST, FAGMENNSKA og ÖRYGGI. Fjölbreytt verkefni tengdum þjónustu við innri og ytri aðila. Upplýsingamiðlun og ráðgjöf, símsvörun, móttaka erinda, skráningar og miðlun upplýsinga innan og utan embættisins. Ritun, ljósritun, flokkun, afhending og frágangur mála. Skráning og flokkun mála í þjónustukerfi og önnur kerfi embættisins. Upplýsingamiðlun og leiðbeiningar til borgara um stöðu mála og næstu skref. Eftirfylgni við erindi og samskipti við kærendur til að tryggja góða þjónustuupplifun. Þátttaka í umbóta- og þróunarverkefnum tengdum þjónustuferlum og stafrænni þróun deildarinnar. Stúdentspróf eða önnur menntun sem nýtist í starfi. Reynsla af þjónustu-, móttöku- eða sambærilegu starfi er kostur. Reynsla af umbótavinnu er kostur. Reynsla af beiðna- eða þjónustukerfum (s.s. Zendesk, Salesforce eða sambærilegum) er kostur. Þekking á starfsemi lögreglu og/eða opinberri stjórnsýslu er kostur. Framúrskarandi samskiptahæfni og rík þjónustulund. Mikið frumkvæði, sveigjanleiki og gott álagsþol. Skipulögð, vönduð og nákvæm vinnubrögð. Góð almenn tölvukunnátta og áhugi á stafrænum lausnum. Góð íslensku- og enskukunnátta í ræðu og riti. Þess er vænst að umsækjandi hafi reynslu af störfum þar sem reynt hefur á þessa eiginleika og færni. Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum. Laun samkvæmt gildandi kjarasamningi sem fjármála- og efnahagsráðherra og Sameyki hafa gert. Við ráðningar hjá LRH er tekin mið af jafnréttisáætlun embættisins. Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til að sannreyna þetta er lögreglu heimil að afla upplýsinga úr sakaskrá og málaskrá lögreglu sbr. 28. gr.a. lögreglulaga nr. 90/1996. Starfshlutfall er 100% Umsóknarfrestur er til og með 12.10.2026 Þórir Ingvarsson aðstoðaryfirlögregluþjónn Tölvupóstur: thorir.ingvarsson@lrh.is Sími: 444-1000 Sigríður Gisela Stefánsdóttir mannauðssérfræðingur Tölvupóstur: sigridur.g@lrh.is Sími: 444-1000 Þjónustuaðili Upplýsingar um starf Starf Tvær stöður þjónustufulltrúa við embætti lögreglustjórans á höfuðborgarsvæðinu Staðsetning Höfuðborgarsvæðið Starfshlutfall 100% Starf skráð 01.10.2026 Umsóknarfrestur 12.10.2026 Þjón­ustu­flokkar Opin­berir aðilar Staf­rænt Ísland Samráðsgátt Reglugerðasafn Stjórnartíðindi Undirskriftalistar Háskólanám Framhaldsskólanám Starfatorg Styrkjatorg Ísland.is app Mínar síður Getum við aðstoðað? Persónuverndarstefna IS Notendaskilmálar

Utanríkisráðuneytið auglýsir starfsnám ætlað fólki sem hefur lokið BA-/BS-gráðu og stundar meistaranám eða hefur nýlokið slíku námi í grein sem tengist málefnasviði utanríkisþjónustunnar. Markmiðið er að gefa ungu fólki sem er að hefja starfsferil sinn færi á að kynnast störfum utanríkisþjónustunnar. Að þessu sinni er auglýst eftir starfsnemum sem munu starfa á starfsstöð utanríkisþjónustunnar hjá fastanefnd Íslands í Genf frá 1. janúar - 31. desember 2027 og sendiráði Íslands í Varsjá frá 1. janúar - 30. júní 2027. Starfsnemar aðstoða starfsfólk sendiskrifstofa við margvísleg málefni utanríkisþjónustunnar. Helsta verkefni starfsnema í fastanefndinni í Genf er að styðja við setu Íslands í mannréttindaráðinu, sinna fundarsetu, greina gögn, aðstoða við talpunkta og ræðuskrif sem og styðja við þátttöku annarra starfsmanna í samningaviðræðum um mannréttindamál. Þá mun starfsnemi fá að kynnast öðrum verkefnum fastanefndarinnar svo sem á sviði mannúðarmála, alþjóðlegra viðskiptamála og EFTA eftir því sem við verður komið. Verkefni starfsnema í Varsjá yrðu meðal annars aðstoð við verkefni tengd umdæmisríkjum sendiráðsins, þar á meðal Úkraínu, og samstarfi innan EES-sjóðanna með Póllandi, Búlgaríu og Rúmeníu. Þá myndi starfsnemi aðstoða við undirbúning og framkvæmd verkefnisins Diplomats for Equality, sem Ísland leiðir ásamt Finnlandi árið 2027, skipulagningu viðburða og móttaka. Auk þess yrði starfsnemi sendiráðinu til aðstoðar við viðskipta- og menningarverkefni og önnur verkefni sem tengjast starfsemi sendiráðsins og umdæmisríkjum þess. BA-, BS-, eða B.Ed.- gráða eða sambærileg menntun í grein sem tengist málefnasviði utanríkisþjónustunnar og þeim málefnum sem unnið er að á tilgreindum sendiskrifstofum. Þjónustulund, skipulagshæfni, frumkvæði og sjálfstæð vinnubrögð. Færni í mannlegum samskiptum. Mjög gott vald á íslensku og ensku í ræðu og riti. Góð greiningarfærni og geta til að vinna með texta. Góð tæknikunnátta og færni í notkun samfélagsmiðla er skilyrði. Mjög góð aðlögunarhæfni. Viðkomandi þarf að vera íslenskur ríkisborgari og fullnægja skilyrðum um öryggisvottun hjá Ríkislögreglustjóra sbr. reglur nr. 959/2012 bæði við upphaf ráðningar og meðan hann gegnir starfinu. Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Sækja skal um stöðuna með stafrænum hætti á vef starfatorgs, www.starfatorg.is gegnum ráðningarkerfið Orra. Einungis er tekið við umsóknum með þessum hætti. Umsækjendur skulu senda inn ferilskrá (hámark 2 bls.) ásamt kynningarbréfi (hámark 1 bls.) á íslensku og einkunnir úr háskólanámi. Umsóknir þar sem kynningarbréf eða ferilskrá eða hvort tveggja vantar, eða eru á öðru tungumáli en íslensku, verða ekki teknar til greina. Við ákvörðun um boðun í starfsviðtal verður litið sérstaklega til gæða umsóknargagna. Við ákvörðun um ráðningu verður, auk framangreindra hæfnikrafna, tekið mið af frammistöðu í starfsviðtali og umsagna sem aflað er. Starfsnám hjá utanríkisráðuneytinu er launað og þiggja starfsnemar laun skv. kjarasamningi sem ríkið hefur gert við viðkomandi stéttarfélög. Um er að ræða tímabundna ráðningu. Ráðuneytið leggur áherslu á jafnrétti og hvetur öll til að sækja um óháð kyni. Öllum umsóknum verður svarað þegar ákvörðun um ráðningu hefur verið tekin. Umsóknir sem berast eftir að umsóknarfresti lýkur verða ekki teknar til greina. Umsóknir munu gilda í sex mánuði frá birtingu þessara auglýsingar, sbr. ákvæði 3. tölul. 2. mgr. 2. gr. reglna um auglýsingar lausra starfa nr. 1000/2019, með síðari breytingum. Hlekk á skipulag ráðuneytisins má finna hér: Stjórnarráðið | Skipulag Starfshlutfall er 100% Umsóknarfrestur er til og með 19.10.2026 Sturlaugur Sigurðsson Tölvupóstur: sturlaugur.sigurdsson@utn.is Þjónustuaðili Upplýsingar um starf Starf Starfsnám í utanríkisþjónustunni Staðsetning Óstaðbundið Starfshlutfall 100% Starf skráð 01.10.2026 Umsóknarfrestur 19.10.2026 Þjón­ustu­flokkar Opin­berir aðilar Staf­rænt Ísland Samráðsgátt Reglugerðasafn Stjórnartíðindi Undirskriftalistar Háskólanám Framhaldsskólanám Starfatorg Styrkjatorg Ísland.is app Mínar síður Getum við aðstoðað? Persónuverndarstefna IS Notendaskilmálar

Við leitum að drífandi og þjónustulunduðum féhirði til starfa á Einstaklingssviði Íslandsbanka í Reykjanesbæ. Um er að ræða mikilvægt hlutverk í framlínu bankans þar sem þú tekur þátt í að skapa framúrskarandi upplifun fyrir viðskiptavini og tryggja örugga og skilvirka afgreiðslu fjármálaþjónustu.

Ásar hf. leita að öflugum og reynslumiklum forstöðumanni reikningshalds til að leiða reikningshald og uppgjör samstæðunnar.

Háskólinn á Akureyri leitar að öflugum einstaklingi til að ganga til liðs við metnaðarfullt mannauðs- og samskiptasvið háskólans. Verkefnastjóri mannauðsmála þjónustar allar einingar háskólans og starfar náið með stjórnendum og öðru starfsfólki sviðsins. Næsti yfirmaður er sviðsstjóri mannauðs- og samskiptasviðs. Starfsstöðin er á háskólasvæðinu á Akureyri og æskilegt er að viðkomandi geti hafið störf sem fyrst. Starfið felur í sér fjölbreytt verkefni á sviði mannauðsmála og náið samstarf við stjórnendur og starfsfólk. Við leitum að einstaklingi sem hefur áhuga á að skapa vinnuumhverfi þar sem fólk getur vaxið, haft áhrif og fundið að það tilheyri. Verkefnastjóri hefur frumkvæði og faglega forystu í fjölbreyttum verkefnum á sviði mannauðsmála. Í starfinu felst ráðgjöf við stjórnendur og starfsfólk, þróun og innleiðing verkferla, þátttaka í úrlausn viðkvæmra og flókinna mála og stuðningur við jákvæða vinnustaðamenningu. Helstu verkefni eru: Umsjón með og þróun ráðningar- og móttökuferla hjá háskólanum Ráðgjöf og stuðningur við stjórnendur og starfsfólk í mannauðsmálum Framkvæmd og túlkun laga, reglna, kjarasamninga, stefna og annarra gagna sem varða mannauðsmál Þátttaka í verkefnum sem lúta að viðveru, vellíðan og vinnustaðamenningu Greining og eftirfylgni mannauðsupplýsinga Önnur og fjölbreytt verkefni á sviði mannauðsmála háskólans Háskólapróf á meistarastigi sem nýtist í starfi, svo sem á sviði mannauðsstjórnunar, lögfræði eða opinberrar stjórnsýslu Þekking og færni í að greina, túlka og beita lögum, reglum, kjarasamningum og öðrum réttarheimildum við úrlausn mannauðsmála Góð greiningarhæfni og færni í að vinna úr upplýsingum og setja niðurstöður fram á skýran og skipulegan hátt Reynsla af faglegri ráðgjöf og úrlausn mála á sviði mannauðs, vinnuréttar eða opinberrar stjórnsýslu Frumkvæði og hæfni til að vinna sjálfstætt Mjög góð samskipta- og samstarfshæfni Heilindi, fagmennska og hæfni til að vinna með trúnaðarupplýsingar Góð færni til að tjá sig í ræðu og riti bæði á íslensku og ensku Gerð er krafa um vammleysi, gott orðspor og að framkoma og athafnir á vinnustað og utan hans samrýmist eðli og ábyrgð starfsins. Umsókn skal fylgja: Greinargott yfirlit yfir náms- og starfsferil Staðfest afrit af viðeigandi prófskírteinum Kynningarbréf þar sem fjallað er ítarlega um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins Nöfn að minnsta kosti tveggja meðmælenda Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum. Háskólinn á Akureyri stuðlar að jafnrétti kynjanna og hvetur öll kyn til að sækja um laus störf. Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu. Starfshlutfall er 100% Umsóknarfrestur er til og með 06.10.2026 Vaka Óttarsdóttir Sviðsstjóri Mannauðs- og samskiptasviðs Tölvupóstur: vaka@unak.is Sími: 8950357 Þjónustuaðili Upplýsingar um starf Starf Verkefnastjóri mannauðsmála Staðsetning Norðurland eystra Starfshlutfall 100% Starf skráð 22.09.2026 Umsóknarfrestur 06.10.2026 Þjón­ustu­flokkar Opin­berir aðilar Staf­rænt Ísland Samráðsgátt Reglugerðasafn Stjórnartíðindi Undirskriftalistar Háskólanám Framhaldsskólanám Starfatorg Styrkjatorg Ísland.is app Mínar síður Getum við aðstoðað? Persónuverndarstefna IS Notendaskilmálar

Nettó Höfn í Hornafirði leitar að starfsfólki í tvö störf við áfyllingu kvöld/nætur.