Suðurland

Laust er til umsóknar starf skrifstofumanns við embætti Sýslumannsins á Suðurlandi. Um er að ræða almennt skrifstofustarf sem staðsett er á starfsstöð embættisins á Höfn í Hornafirði. Starfið heyrir undir sýslumann. Æskilegt er að umsækjendur geti hafið störf sem fyrst. Um er að ræða ótímabundna ráðningu með 6 mánaða reynslutíma. Á Höfn er ein fjögurra starfsstöðva embættisins þar sem fram fer afgreiðsla almennra erinda auk umsjónar með málefnum dánarbúa. Helstu verkefni starfsmanns lúta að framangreindum verkefnum auk símsvörunar á embættinu og þjónustu við viðskiptavini sem leita á starfsstöð, þ.m.t. gjaldkerastörf. Embætti sýslumanns á Suðurlandi er stjórnsýslu- og þjónustustofnun sem reist er á gömlum grunni og annast fjölþætt viðfangsefni framkvæmdarvalds ríkisins í héraði. Áherslur vinnustaðarins byggja á góðri þjónustu, skilvirku verklagi og öflugri liðsheild. Horft verður til þess að umsækjandi falli sem best að þörfum starfsstöðvarinnar og embættisins í heild. Hæfni á 3. þrepi íslenska hæfnirammans (stúdentspróf, aðfaranám að háskólanámi o.fl.). Háskólamenntun er kostur. Góð almenn tölvukunnátta og geta til að tileinka sér nýjungar á því sviði. Góð almenn íslenskukunnátta í ræðu og riti. Góð almenn enskukunnátta. Önnur tungumálakunnátta er kostur. Jákvæðni, góð þjónustulund og framúrskarandi færni í mannlegum samskiptum. Nauðsynlegt er að umsækjendur búi yfir ríkri samstarfs- og skipulagshæfni, nákvæmni og ögun í vinnubrögðum og getu til að vinna undir álagi. Einnig er krafa um að umsækjendur sýni umbótahugsun, frumkvæði, sjálfstæði og metnað í starfi og hæfni til að leiðbeina og miðla upplýsingum. Þess er vænst að umsækjendur hafi reynslu af störfum þar sem reynt hefur á þessa eiginleika. Laun samkvæmt gildandi kjarasamningi sem fjármála- og efnahagsráðherra og Sameyki hafa gert. Vinnutími er alla virka daga frá kl. 8:00 -15:12. Umsókn um starfið þurfa að fylgja starfsferilskrá og kynningarbréf, þar sem gerð er grein fyrir ástæðum umsóknar og rökstuðningi fyrir hæfni viðkomandi í starfið, ásamt upplýsingum um meðmælendur auk annarra atriða sem máli kunna að skipta. Öllum umsóknum verður svarað þegar ákvörðun um ráðningu hefur verið tekin. Við ráðningu verður tekið mið af jafnréttisáætlun embættisins. Athygli er vakin á því að umsóknir munu gilda í 6 mánuði frá því að umsóknarfrestur rennur út. Þann 1. janúar 2027 teku nýtt sameinað sýslumannsembætti til starfa. Starfsfólk núverandi embætta verður starfsfólk hjá hinu nýja embætti. Starfshlutfall er 100% Umsóknarfrestur er til og með 24.09.2026 Anna Lilja Ragnarsdóttir settur sýslumaður Tölvupóstur: anna.lilja.ragnarsdottir@syslumenn.is Þjónustuaðili Upplýsingar um starf Starf Skrifstofumaður á Höfn Staðsetning Suðurland Starfshlutfall 100% Starf skráð 14.09.2026 Umsóknarfrestur 24.09.2026 Þjón­ustu­flokkar Opin­berir aðilar Staf­rænt Ísland Samráðsgátt Reglugerðasafn Stjórnartíðindi Undirskriftalistar Háskólanám Framhaldsskólanám Starfatorg Styrkjatorg Ísland.is app Mínar síður Getum við aðstoðað? Persónuverndarstefna IS Notendaskilmálar

Ert þú áhugasamur um matargerð og leitar að spennandi tækifæri í matvælaiðnaði? Kokkur/ Matreiðslumaður / Matráður óskast í 75-100 % dagvinnu hjá Eldhúsinu á Selfossi.

Starfsfólk óskast á veitingarstað í afgreiðslu og eldhús

Yfirljósmóðir óskast til starfa á heilbrigðisstofnun Suðurlands HSU leitar að reyndum og framsæknum leiðtoga í starf yfirljósmóður. Viðkomandi mun fara með faglega forystu í ljósmæðrastörfum á Suðurlandi, móta framtíðarsýn fyrir þjónustuna og tryggja að barnshafandi konur og fjölskyldur þeirra njóti bestu mögulegu umönnunar. Starfið hentar vel þeim sem hafa brennandi áhuga á að þróa og efla ljósmæðraþjónustu og vilja hafa raunveruleg áhrif á heilbrigðisþjónustu í heilu landshéraði. HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri. Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni. Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós. Fagleg forysta í ljósmæðrastörfum og þjónusta við skjólstæðinga stofnunarinnar. Mönnun, stuðningur við starfsþróun ljósmæðra og önnur mannauðstengd mál. Yfirsýn og samhæfing ljósmæðraþjónustunnar á Suðurlandi, þar með talið mæðraverndar, fæðingaþjónustu, göngudeildarþjónustu og leghálsskimana. Þátttaka í stefnumótun, markmiðasetningu og árangursmælingum. Efling kennslu og endurmenntunar, uppbygging sérhæfingar meðal ljósmæðra. Ábyrgð á gæða- og öryggismálum. Innleiðing nýjunga í þjónustu og verklagi. Þátttaka í klínísku starfi. Náið samstarf og teymisvinna með öðrum fagstéttum. Starfsleyfi ljósmóður frá Embætti Landlæknis. Farsæl stjórnunarreynsla æskileg. Metnaður og áhugi á þróun ljósmæðraþjónustu. Framúrskarandi hæfni í mannlegum samskiptum auk leiðtogahæfileika. Jákvætt viðhorf og lausnamiðuð hugsun. Önnur menntun og reynsla sem nýtist í starfi æskileg. Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert. Krefjandi og gefandi stjórnunarstarf með raunveruleg áhrif á heilbrigðisþjónustu heils landshluta. Náið og faglegt samstarf við metnaðarfullt teymi ljósmæðra og annarra heilbrigðisstarfsmanna. Spennandi tækifæri til frekari þróunar og uppbyggingar ljósmæðraþjónustu á Suðurlandi. Stuðningur við endurmenntun og faglega þróun. Fjölbreytt og gott mannlíf á Suðurlandi, í göngufæri við náttúruperlur og gott samfélag. Umsókn þarf að fylgja staðfestar upplýsingar um menntun og fyrri störf, ásamt afriti af starfsleyfi. Starfshlutfall er 100% Umsóknarfrestur er til og með 21.09.2026 Guðmundur Vignir Sigurðsson Tölvupóstur: gudmundur.v.sigurdsson@hsu.is Þjónustuaðili Upplýsingar um starf Starf Yfirljósmóðir óskast til starfa á Heilbrigðisstofnun Suðurlands (HSU) Staðsetning Suðurland Starfshlutfall 100% Starf skráð 08.09.2026 Umsóknarfrestur 21.09.2026 Þjón­ustu­flokkar Opin­berir aðilar Staf­rænt Ísland Samráðsgátt Reglugerðasafn Stjórnartíðindi Undirskriftalistar Háskólanám Framhaldsskólanám Starfatorg Styrkjatorg Ísland.is app Mínar síður Getum við aðstoðað? Persónuverndarstefna IS Notendaskilmálar